(روزز نامہ قدس آنلائن خبر رساں ادارہ )ہزاروں یہودی آبادکاروں کا مذہبی رسومات کی ادائیگی کے لیے نابلس میں حضرت یوسف علیہ السلام کے دھاوا،مقامی فلسطینی آبادی سے جھڑپیں ،جس میں متعدد فلسطینی زخمی ہو گئے۔
تفصیلات کے مطابق یہودی آباد کاروں اور مقامی فلسطینیوں میں جھڑپوں کا آغاز اس وقت ہوا جب ہزاروں کی تعداد میں یہودی آباد کار مسلح قابض اسرائیلی فوج کی سرپرستی میں اپنی مذہبی رسومات کی ادائیگی کے لیے نابلس کے شہر پہنچے جہاں انہوں نے حضرت یوسف علیہ السلام کے مزار کے پاس موجود دیوار گریہ تک جانا تھا۔
مقامی ذرائع کے مطابق ہزاروں یہودی آباد کاروں نے بدھ کی صبح مسلح افواج کی سر پرستی میں شہر پر دھاوا بول دیا۔جہاں ان کا مقامی آبادی سے تصادم ہوا جس میں کئی افراد زخمی ہوئے جن کو رافیدہ اسپتال منتقل کر دیا گیا۔
اسپتال انتظامیہ کے مطابق زخمی افراد کے زخموں کی نوعیت معمولی تھی۔