فلسطین کے مستقبل کے حوالے سے نام نہاد کانفرنس کو مستردکرتے ہیں ،یحییٰ السنوار

 غزہ میں اسلامی مزاحمتی تنظیم حماس کے سربراہ یحییٰ السنوار کا کہنا ہے کہ حماس اور فلسطینی عوام مناما میں فلسطین کے مستقبل کے حوالے سے ہونے والی امریکا کی نام نہاد کانفرنس کو مسترد کرتے ہیں۔
حماس کی جانب سے جاری ہونے والے بیان میں یحییٰ السنوار نے عرب اور اسلامی ممالک سے 25 اور 26 جون کو احتجاج اور ہڑتالیں منعقد کرنے کا اعلان کرنے کا مطالبہ کیاہے ۔
انھوں نے امریکا کی جانب سے فلسطین کے مستقبل کے حوالے سے ڈیل آف دی سینچری کو یکسر مستردکرتے ہوئے کہا ہے کہ اسرائیل سے تعلقات کی بحالی کی تمام سازشوں کو بے نقاب کریں گے۔”
ان کا مزید کہنا تھا کہ "ڈیل آف دی سینچری ہر صورت ناکام ہوگی اور ہم اپنی قوم سے مطالبہ کرتے ہیں کہ اس ڈیل کے مقابلے میں تمام فلسطینی یکجا ہوجائیں۔”