شدید گرمی اور بجلی کی طویل بندش کے باعث غزہ میں ہزاروں مرغیاں ہلاک ہوگئیں

غرب اردن(روز نامہ قدس ۔آن لائن خبر رساں ادارہ)‎ گزشتہ کچھ دنوں سے گرمی کی شدت میں اضافہ اور غزہ میں بجلی کی طویل لوڈشیڈنگ کے باعث بیچ کیمپ میں قائم مرغی خانے میں ہزاروں مرغیاں ہلاک ہوگئی جبکہ بڑی تعداد میں انڈے بھی خراب ہوگئے۔ روزنامہ قدس کے مطابق خیال رہے فلسطین کے علاقے غزہ کی پٹی میں 500میگا واٹ بجلی کی کھپت ہے ۔ مصر اور اسرائیل کی طرف سے آنے والی بجلی کل 143 میگا واٹ اس طرح غزہ میں چوبیس گھنٹوں میں سے صرف 6 گھنٹے بجلی فراہم کی جاتی ہے جبکہ 18گھنٹے لوڈ شیڈنگ کی جاتی ہے جس کے باعث غزہ میں زندگی مزید مشکل ہوتی جارہی ہے ۔