صیہونی بربریت سے زخمی فلسطینی زندگی کی بازی ہار گیا

غزہ(روز نامہ قدس ۔آن لائن خبر رساں ادارہ)صیہونی ریاست اسرائیل کی جانب سے اپنےحقوق کی فراہمی اور غزہ کے غیر قانونی محاصرے کے خلاف احتجاج کرنے کی پاداش میں زخمی کئے جانے والے فلسطینی نوجوان محمد ضروب علاج کی اجازت نا ملنے کے باعث شہید ہوگئے
صیہونی افواج نے 27 اپریل 2018 میں محمد ضروب کو "حق واپسی ” میں پر امن احتجاج کے دوران پیروں پر گولیا ں مار کر شدید زخمی کردیا تھا ،علاج کی مناسب سہولیات نا ملنے کے باعث زخم کینسر کی صورت اختیار کرگیاجبکہ صیہونی ریاست کی جانب سے محمد ضروب علاج کےلئے غزہ سے باہر جانے کی اجازت نا ملنے کے باعث گزشتہ روز شہید ہوگئے
واضح رہے کہ اسرائیلی ریاست کی جانب سے محصور غزہ کے رہائشیوں کو کسی بھی صورت حتیٰ کہ علاج کےلئے بھی باہر جانے کی اجازت نہیں ہے جس کے باعث روزانہ کی بنیاد پرفلسطینیوں کی شہادت معمول بن چکی ہے ، گزشتہ 4 روز میں ایک ڈیڑ سالہ بچی سمیت 3 افراد علاج کی اجازت نا ملنے کے باعث شہید ہوئے ۔
غزہ کے غیرقانونی محاصرے کو 14 سال ہوگئے ہیں،محاصرے کو ختم کرنے اور پنے حقوق کےلئے اسرائیلی سرحد کے ساتھ غزہ کے شہریوں کی جانب سے گزشتہ ایک سال سے "حق واپسی ” کے نام سے پر امن احتجاج کیا جارہا ہے جس کو ناکام بنانے کےلئے اسرائیلی فوج کی جانب سے ریلی کے شرکاء پر روزانہ کی بنیاد پر فائرنگ کی جاتی ہے ۔