مسجد القصیٰ میں داخلے کی کوشش میں گرفتار ولندیزی سیاستدان تنوہان رہا

بیت المقدس(روز نامہ قدس ۔آن لائن خبر رساں ادارہ)گزشتہ روز نماز جمعہ سے قبل نیدر لینڈ کے مسلم سیاستدان تنوہان کوزو نے مظلوم فلسطینیوں کے ساتھ اظہار یکجہتی کرتےہوئے فلسطینی پرچم کے ساتھ مسجد اقصیٰ میں داخلے کی کوشش کی جس پر صیہونی پولیس نے انھیں حراست میں لے کر پولیس اسٹیشن منتقل کیا ، بعد ازاں انھیں چند گھنٹے پولیس اسٹیشن میں رکھنے کے بعد رہا کردیا گیا لیکن انھیں مسجد اقصیٰ جانے کی اجازت نہیں دی گئی ۔ واضح رہے کہ تنوہان کوزو کو فلسطینیوں کے حق خودارادیت کے بڑے حامی اور دہشتگرد ریاست اسرائیل کے ناقد کے طور پربھی جانا جاتا ہے ،انھوں نے 2016 میں اسرائیلی وزیراعظم نیتن یاہوکے نیدر لینڈ کے دورے کے دوران مصافحہ کرنے سے بھی انکار کردیا تھا جس کی ویڈیو سوشل میڈیا پر وائرل ہوئی تھی