مصری حکام کے سلامتی وفد کی اسرائیل کے بعد غزہ آمد

غزہ(روز نامہ قدس ۔آن لائن خبر رساں ادارہ)مصری سیکیورٹی حکام کا اعلیٰ سطحی وفد اسرائیلی شہر تل ابیب میں صہیونی حکام کے ساتھ بات چیت کے بعد غزہ پہنچ گیا ہے جہاں وہ فلسطینی مزاحمتی قیادت کے ساتھ بات چیت کرے گا۔روزنامہ قدس کے نامہ نگار کے مطابق اسرائیلی کی جانب سے غزہ پر حملوں کے جواب میں اسلامی مزاحمتی تنظیم حماس نے اسرائیل کے مختلف شہروں کو اپنے راکٹوں سے نشانہ بنایا ، اس جھڑپ میں 2 خواتین اور بچوں سمیت 27 فلسطینی شہید اور 200کے قریب زخمی ہوئے اسرائیل کو ہونے والے نقصان کے باعث اسرائیل نے حماس کی شرائط پر جنگ بندی پر آمدگی ظاہر کی ، حالیہ مصری وفد دونوں ممالک کے درمیان ثالثی کا کردار ادا کررہا ہے اس ضمن میں مصری وفد پہلے اسرائیل گیا اور آج مصری سیکیورٹی حکام کا اعلیٰ سطحی وفد حماس کے رہنماوں سےملاقات کےلئے غزہ آیا ہے جہاں یہ دونوں ممالک کے درمیان طے پانے والی جنگ بندی کے امور کو آگے بڑھائیں گے ۔ مصری سیکیورٹی حکام کے وفد کی سربراہی فلسطینی امور کے سربراہ میجر جنرل احمد عباس کامل کررہے ہیں جبکہ ان کے معاون میں سیکریٹری اینٹلی جنس احمد فاروق بھی شامل ہیں