غزہ پر اسرائیلی بمباری ،130رہائشی عمارات مکمل تباہ ،700کو جزوی نقصان پہنچا

غزہ(روز نامہ قدس ۔آن لائن خبر رساں ادارہ)غزہ پر اسرائیل کی حالیہ وحشیانہ بمباری سے تقریبا 130 رہائشی عمارات مکمل تباہ ہوگئے ہیں جبکہ 700 کے قریب گھروں کو جزوی نقصان پہنچا ہے ،اسرائیلی دہشتگردی سے محصور غزہ کے شہری اپنے ہی گھروں سے محروم ہوگئے ہیں
غزہ کی وزررت صحت کی جانب سے فراہم کی گئی معلومات کے مطابق 4مئی کی صبح سے شروع ہونے والے اسرائیلی فضائی اور زمینی حملوں میں بچوں اور خواتین سمیت تقریبا 27 افراد شہید اور 150سے زائد زخمی ہوئے ہیں جبکہ روزانہ کی بنیاد پر پر امن مارچ پر اسرائیلی فوج کی جانب سے کی جانے والی فائرنگ کے نتیجے میں شہادتوں کی تعداد الگ ہے ۔
فلسطین کی وزارت برائے عوامی امور کی جانب سے جاری بیان میں بتایا گیا ہے کہ اسرائیلی بربریت کے نتیجے میں تقریبا130 رہائشی عمارات مکمل تباہ ہوچکی ہیں جبکہ 700سے زائد گھروں کو جزوی نقصان پہنچا ہے جس سے ہزاروں فلسطینی بے گھر ہوگئے ہیں ، بیان میں بتایا گیا ہے کہ تباہ ہونے والے گھروں اور دیگر عمارتوں کے ملبے کو جلد ازجلد صاف کرنے کی کوشش کی جارہی ہیں