حماس نے کی اسرائیل پر راکٹوں کی بارش

غزہ (روز نامہ قدس ۔آن لائن خبر رساں ادارہ)غزہ میں اسرائیلی فوج کی پر امن مظاہرین پر وحشیانہ فائرنگ سے 4فلسطینیوں کی شہادت اور 50 سے زائد زخمی ہونے کے ردعمل میں رات گئے غزہ سے قابض اسرائیلی علاقوں میں راکٹ فائر کئے گئے جس کے بعد اسرائیل کی جانب بے غزہ پر حملے کی تیاری جاری ہے ۔ ہمارے نمائندے سے حاصل ہونے والی رپورٹ کے مطابق اسرائیلی علاقوں میں جنگی سائرنگ بجائے جارہے ہیں ۔، اب سے کچھ دیر قبل اسرائیلی ڈرن نے غزہ کے علاقے بیت حانون میں ایک گاڑی پر میزائل فائر کیا جس سے تین افراد کے زخمی ہونے کی اطلاعات ہیں جبکہ غزہ کے شمالی علاقے بيت لاهيا اور خان یونس کےزرعی زمین پر بھاری شیلنگ کی گئی جس سے متعدد افراد کے زخمی ہونے اور فصلوں کوشدید نقصان کی اطلاعات ہیں ۔
غزہ پر ممکنہ حملے کے لئے اسرائیل سے متصل مشرقی سرحد پر اسرائیلی ٹینکوں کو جمع کیا جارہا ہے جس سے اس بات کا خدشہ پیدا ہوگیا ہے کہ قابض اسرائیل کی جانب سے غزہ پر بڑے پیمانے پر بربریت کا منصوبہ ہے , اب تک کی اطلاعات کے حماس نے اس کے بدلے 150 راکٹ غزہ سے اسرائیل کی جانب فائر کیے ہیں