غزہ(روز نامہ قدس ۔آن لائن خبر رساں ادارہ)اسرائیلی زندانوں میں قید فلسطینی اسیران کے حقوق کے ذمہ ادارے کی طرف سے جاری ایک بیان میں کہا گیا ہےکہ جزیرہ نما النقب کی اسرائیلی جیل میں لال بیگوں اور دیگر حشرات الارض کیڑوں کی بھرمار ہےجس کے باعث اسیران کو ایک نئی مصیبت کا سامنا ہے۔
کے مطابق فلسطینی امور اسیران کے وکیل نے بتایا کہ کئی اسیران کی طرف سے انہیں شکایت ملی ہے کہ قیدیوں کے کئی کمروں میں لال بیگ اور دیگر حشرات الارض کی بھرمار ہے۔ صہیونی جیل انتظامیہ کی طرف سے قیدیوں کو درپیش حشرات الارض کے خطرات کے تدارک کے لیے کوئی موثر کوشش نہیں کی جا رہی۔
فلسطینی انسانی حقوق کے مندوب کا کہنا ہے کہ صہیونی جیلر دانستہ طور پر قیدیوں کو درپیش مشکلات کے حوالے سے مجرمانہ غفلت کا مظاہرہ کر رہے ہیں۔ موسم گرما کے آتے ہی فلسطینی اسیران کی مشکلات اور ان کے مسائل میں مسلسل اضافہ ہو گیا ہے۔ اسیران آنے والے موسم اور جیلوں میں حفظان صحت دانستہ فقدان سے سخت خوف کا شکار ہیں۔