بیت لحم (روز نامہ قدس ۔آن لائن خبر رساں ادارہ) فلسطین کے مقبوضہ مغربی کنارے کے جنوبی شہر بیت لحم میں الفردیس کے مقام پر صیہونی آباد کار نے پانچ سالہ فلسطینی بچہ گاڑی تلے روند ڈالا۔
روز نامہ قدس کو موصول ہونے والی اطلاعات کے مطابق مشرقی بیت لحم میں صیہونی آباد کار نے تیز رفتاری کے دوران ایک پانچ سالہ بچے محمد رائد عسکر کو گاڑی تلے روند ڈالا۔ بچے کو تشویشناک حالت میں اسپتال منتقل کیا گیا ہے۔
خیال رہے کہ فلسطین کے علاقوں میں صیہونی آباد کاروں کی طرف سے فلسطینی شہریوں کے لیے چلتا پھرتا خطرہ ہیں جو آئے روز فلسطینی شہریوں کو گاڑیوں تلے کچل رہے ہیں۔ غرب اردن میں 427 صیہونی کالونیاں قائم ہیں جن میں مجموعی طور پر 7 لاکھ صیہونی آباد رہائش پذیرہیں۔