غزہ (روز نامہ قدس ۔آن لائن خبر رساں ادارہ) اسرائیلی حکام نے غزہ کی پٹی سے تعلق رکھنے والی عیسائی برادری کو ’’ایسٹر‘‘ کے تہوار پر القدس جانے سے روک دیا۔
روز نامہ قدس کو موصول ہونے والی اطلاعات کے مطابق اسرائیلی اخبار ’’ہارٹز‘‘ نے اپنی رپورٹ میں بتایا ہےکہ اسرائیلی حکام نے ایسٹر کے موقع پر غزہ کے عیسائیوں کو مقبوضہ بیت المقدس اور غرب اردن کے جنوبی شہر بیت لحم میں عبادت کے لیے جانے کی اجازت دینے سے انکار کر دیا ہے۔
عبرانی اخبار کے مطابق اسرائیلی حکام نے غزہ کے صرف 200 عیسائیوں کو جن کی عمریں 55 سال سے زائد ہیں کو اردن جانے کی اجازت دی گئی اور انہیں القدس میں القیامہ چرچ کی زیارت کی اجازت نہیں دی گئی۔
اخبار نے حکومت پر زور دیا ہے کہ وہ غزہ کے عیسائیوں کو القدس میں القیامہ گرجا گھر کی زیارت کے لیے سفر کی اجازت دے۔