جنوبی افریقا کا سات رکنی وفد نائب وزیر خارجہ ابراہیم ابراہیم کی قیادت میں ہفتے کے روز رفح سرحدی پھاٹک کے راستے غزہ پہنچا۔ کیپ ٹاون سے آنے والے اعلی اختیاراتی وفد کا یہ دورہ بڑی اہمیت کا حامل ہے۔
ہفتہ کے روز مسٹر ابراھیم کی سربراہی میں غزہ پہنچنے والے وفد کا پرتپاک استقبال فلسطینی وزارت خارجہ کے سیکرٹری ڈاکٹر احمد یوسف، اسسٹنٹ سیکرٹری خارجہ ڈاکٹر خلیل ابولیلہ، بارڈر کراسنگ اتھارٹی کمیٹی کے سربراہ ڈاکٹر غازی حمد، فلسطینی اتھارٹی کے ہاں جنوبی افریقا کے سفیر کے غزہ میں نمائندے مسٹر ٹیڈ بیکانی اور سفارت خانے سفارت کے فرسٹ سیکرٹری ایڈگر مٹزیسی نے کیا۔
ذارائع ابلاغ نے جنوبی افریقا کے نائب وزیر خارجہ کو دورے کے موقع پر استقبالیہ تقاریب کی بڑے پیمان پر کوریج کی۔ انہوں نے غزہ آمد کے بعد فوری طور پر رفح کے علاقے میں ایک نیوز کانفرنس سے بھی خطاب کیا۔
یاد رہے پانچ روز قبل جنوبی افریقا کے ایک پارلیمانی وفد نے غزہ کا دورہ کیا تھا۔ غزہ میں فلسطینی حکومت کے سربراہ اسماعیل ھنیہ، مجلس قانون ساز کے ڈپٹی اسپیکر نے اس وفد کا استقبال کیا تھا۔ وفد کی قیادت جنوبی افریقا کی پارلیمنٹ میں حکمران جماعت کے پارلیمانی گروپ کے سربراہ ماتھیولی مون کر رہے تھے۔