غزہ (روز نامہ قدس ۔آن لائن خبر رساں ادارہ) صیہونی فوج نےغزہ کی پٹی پر بغیر پائلٹ ڈرون سے میزائل حملہ کیا جس کے نتیجے میں تین فلسطینی زخمی ہوگئے۔
روز نامہ قدس کو موصول ہونے والی اطلاعات کے مطابق اسرائیلی فوج نے شمالی غزہ کے علاقے جبالیا کے مشرق میں فلسطینیوں کے ایک گروپ پر میزائل داغا جس کے نتیجے میں تین فلسطینی زخمی ہوگیا۔
رپورٹ کے مطابق زخمی ہونے والے تینوں فلسطینیوں کو اسپتال منتقل کردیا گیا ہے جہاں ان میں سے ایک کی حالت تشویشناک بیان کی جاتی ہے۔
ادھر اسرائیلی فوج کے ترجمان نے بتایا کہ فوج نے شمالی غزہ میں آتش گیر مواد پھینکنے والے ایک فلسطینی گروپ پر میزائل حملہ کیا گیا جس کے نتیجے میں متعدد فلسطینی زخمی ہوگئے۔
یہ واقعہ ایک ایسے وقت میں پیش آیا ہے جب دوسری جانب کل ہفتے کے روز 30 مارچ کو غزہ میں ’’یوم الارض‘‘ کے موقع پر اسرائیلی مظالم کے خلاف ملین مارچ کا اعلان کیا گیا ہے۔