غزہ (روز نامہ قدس ۔آن لائن خبر رساں ادارہ) غزہ کی محاصرہ زدہ پٹی کے میں ایک فلسطینی نوجوان اسرائیلی فوج کی فائرنگ سے زخمی ہو گیا۔ یہ نوجوان غزہ کےشمال میں جبالیا کیمپ کے مشرقی حصے میں رات کے وقت اسرائیلی سرحد کے قریب ہونے والے مظاہرے میں شریک تھا کہ اسرائیلی فوج کی فائرنگ سے زخمی ہو گیا۔
روز نامہ قدس کو موصول ہونے والی اطلاعات کے مطابق غزہ میں وزارت صحت نے کہا کہ جباليا کے مشرق میں اسرائیلی فائرنگ سے ایک فلسطینی نوجوان زخمی ہوگیا۔ آنسو گیس کے دھویں کی وجہ سے دوسرے بہت سے فلسطینیوں کو سانس لینے میں دشواری کا سامنا کرنا پڑا۔
غزہ کے نوجوانوں کا ایک گروپ جبالیا کی مشرقی سرحد پر نصب سرحدی باڑ تک پہنچنے میں کامیاب ہو گیا جہاں انہوں نے آتش بازی اور نعروں کا سلسلہ شروع کر دیا۔
اس کے جواب میں قابض اسرائیلی فوج نے مظاہرین پر براہ راست فائرنگ کی اور آنسو گیس کے گولے برسائے۔