غزہ (روز نامہ قدس ۔آن لائن خبر رساں ادارہ) مشرق وسطیٰ کے لیے اقوام متحدہ کے امن مندوب نے گذشتہ روز فلسطین کے محصور علاقے غزہ کی پٹی کا دورہ کیا۔ اپنے ہنگامی دورے کے دوران انہوں نے مقامی فلسطینی قیادت سے بھی ملاقات کی۔
روز نامہ قدس کو موصول ہونے والی اطلاعات کے مطابق ’’یو این‘‘ مندوب نیکلولائے میلاڈینوف شمالی غزہ کی بیت حانون گذرگاہ سے غزہ داخل ہوئے۔
فلسطینی بارڈر حکام کا کہنا ہے کہ میلاڈینوف سوموار کو اچانک دورے غزہ پہنچے۔
قبل ازیں فلسطین کے لیے قطر کے سفیر محمد العمادی نے بھی غزہ کا دورہ کیا جہاں انہوں نے حماس کی قیادت سے غزہ میں انسانی امور تبادلہ خیال کیا۔
خیال رہے کہ حالیہ ایام میں مصری انٹیلی جنس کے وفود بھی کثرت کے ساتھ غزہ کا دورہ کرتے رہے ہیں۔ گذشتہ دنوں حماس کی طرف سے اعلان کیا گیا تھا کہ آئندہ ہفتے مختلف ممالک کے وفود غزہ کا دورہ کریں گے۔