غزہ(روز نامہ قدس ۔آن لائن خبر رساں ادارہ) اسلامی تحریک مزاحمت (حماس) کے سیاسی شعبے کے سربراہ اسماعیل ھنیہ مصر کے تین ہفتوں پر مشتمل طویل دورے کے بعد اعلیٰ اختیاراتی وفد کے ہمراہ واپس غزہ پہنچ گئے۔
روز نامہ قدس کو موصول ہونے والی اطلاعات کے مطابق اسماعیل ھنیہ اور ان کے ہمراہ وفد بری گذرگاہ ’’رفح‘‘ سے غزہ میں داخل ہوا۔
حماس کے سیاسی شعبے کے رکن ڈاکٹر خلیل الحیۃ نے میڈیا سے بات کرتے ہوئے کہا کہ جماعت کے دورہ مصر کے متوقع نتائج پورے ہوئے ہیں۔
انہوں نے کہا کہ مصر کا غزہ کی ناکہ بندی اور عمومی فلسطینی امور سے متعلق مؤقف قابل تحسین ہے۔ الحیۃ نے مسجد اقصیٰ کے باب الرحمت اور اسیران کے معاملے میں مصر کی فوری اور براہ راست مداخلت بھی قابل قدر ہے۔
انہوں نے مزید کہا کہ مصر نے فلسطینی قوم کے لیے مصالحتی کوششوں کو آگے بڑھانے کے لیے مثبت اقدامات کیے ہیں۔ توقع ہے کہ قاہرہ حکومت غزہ کی ناکہ بندی کے خاتمے اور غزہ کی معیشت کی بہتری کے لیے اپنے اعلانات پرعمل درآمد کرے گا۔
خیال رہے کہ حماس کا وفد تین ہفتے قبل اعلیٰ اختیاراتی وفد کے ہمراہ مصر روانہ ہوا تھا۔ اس دورے کے دوران حماس کی قیادت نے غزہ میں قیام امن، جنگ بندی میں توسیع، فلسطینیوں میں مصالحت اور غزہ کی معیشت کی بہتری کے امور پر تفصیلی بات چیت کی گئی۔