مقبوضہ بیت المقدس (روز نامہ قدس ۔آن لائن خبر رساں ادارہ) فلسطین کے مقبوضہ بیت المقدس میں نامعلوم فلسطینی چاقو بردار نے ’’گیلو‘‘ صیہونی کالونی میں چاقو کے وار کرکے ایک صیہونی آباد کار خاتون کو زخمی کردیا۔
روز نامہ قدس کو موصول ہونے والی اطلاعات کے مطابق ایک صیہونیخاتون کو چاقو کے وار کرکے شدید زخمی کردیا گیا تھا۔ اسے القدس کے ’’شعاریہ زیدک‘‘ اسپتال منتقل کردیا گیا ہے جہاں اس کی حالت خطرے میں بیان کی جاتی ہے۔
ذرائع کا کہنا ہے کہ حملہ آور کارروائی کے بعد جائے وقوعہ سے بہ حفاظت فرار ہوگیا۔ اسرائیلی فوج نے واقعے کے بعد جائے وقوعہ کو گھیرےمیں لے کر سرچ آپریشن شروع کردیا۔