رام اللہ (روز نامہ قدس ۔آن لائن خبر رساں ادارہ) صیہونی فوج نے اپنی غاصبانہ پالیسیوں کا تسلسل رکھتے ہوئے اسرائیلی فوجیوں پر فائرنگ میں ملوث عاصم اور صلاح البرغوثی کے آبائی گھر کو گرانے کا حکم دے دیا ہے۔
روز نامہ قدس کو موصول ہونے والی اطلاعات کے مطابق اسرائیلی فوج کے ایک ترجمان کے مطابق یہ حکم البرغوثی خاندان کی اپیل کو مسترد کرنے کے بعد جاری کیا گیا ہے۔
یاد رہے کہ دونوں بھائیوں پر الزام ہے کہ انہوں نے عوفرہ صیہونی بستی کے قریب حملہ کیا تھا جس کے نتیجے میں ایک اسرائیلی فوجی ہلاک اور سات فوجی زخمی ہوگئے تھے۔
اسرائیلی فوجیوں نے صلاح البرغوثی کو قتل کر دیا جب کہ عاصم البرغوثی کو جفعات عساف نامی صیہونی بستی کے قریب دو اسرائیلی فوجیوں کو ہلاک کرنے کے بعد گرفتار کر لیا گیا۔
اسرائیلی حکام صیہونی آبادکاروں اور فوجیوں پر حملوں میں ملوث فلسطینیوں کو نشان عبرت بنانے اور دیگر مزاحمت کاروں کے حوصلوں کو پست کرنے کے لئے ان کے آبائی گھروں کو مسمار کر دیتے ہیں۔