کولالمپور (روز نامہ قدس ۔آن لائن خبر رساں ادارہ) ملائیشیا کی حکومت کی جانب سے اسرائیل کے ساتھ تعلقات کی مخالفت کے بعد فلسطینی حلقوں کی جانب سے ملائیشیا کی حکومت سے اظہار تشکر کی کیا گیا ہے۔
روز نامہ قدس کو موصول ہونے والی اطلاعات کے مطابق ملائیشیا میں فلسطین ثقافت فائونڈیشن نے ایک بیان میں ملائیشیا کی حکومت کی مؤقف کو سراہا ہے۔ بیان میں کہا گیا ہے کہ ملائیشیا کی حکومت نے اسرائیلی ریاست کے ساتھ کھیل کے شعبے کا بائیکاٹ کر کے فلسطینی قوم کے مسلمہ حقوق کی حمایت کی ہے۔
فلسطینی ثقافت فائونڈیشن کے سربراہ مسلم عمران کی قیادت میں ملائیشیا کے نائب وزیر برائے کھیل اسٹیفن سیم شی کیونگ سے ان کے دفتر میں ملاقات کی۔ اس ملاقات میں فلسطینی تنظیم نے کولالمپور کی طرف سے اسرائیل کے ساتھ کھیلوں کے بائیکاٹ کا مؤقف اختیار کرنے کو سراہا اور اسے فلسطینی قوم کی جیت قرار دیا۔
اس موقع پر ملائیشیا کے نائب وزیر نے کہا کہ ان کی حکومت کے نزدیک فلسطینی قوم کے حقوق زیادہ اہم ہیں۔ اسرائیل کے ساتھ کھیلوں اور دیگر شعبوں میں تعلقات کی کوئی اہمیت نہیں۔