غزہ(روز نامہ قدس ۔آن لائن خبر رساں ادارہ) روس نے اسلامی تحریک مزاحمت (حماس) کو فروری کے اوائل میں ماسکو کے دورے کے دعوت دی ہے۔ اس دورے کا اہم موضوع فلسطینیوں کے باہمی اختلافات کو دور کرنے اور مصالحتی عمل کو آگے بڑھانے میں پیش رفت کرنا ہے۔
روز نامہ قدس کو موصول ہونے والی اطلاعات کے مطابق حماس کےتعلقات عامہ شعبے کے رکن باسم نعیم نے بتایا کہ روسی وزارت خارجہ مشرقی انسٹیٹیوٹ اسٹڈی سینٹر کی جانب سے ماسکو کے دورے کی دعوت دی گئی ہے۔
روسی وزارت خارجہ کی طرف سے فلسطین کی بعض دوسری تنظیموں کو بھی ماسکو کے دورے کے دعوت دی ہے تاکہ مصری حکام کی زیرنگرانی فلسطینی دھڑوں میں مصالحتی کوششوں کو آگے بڑھایا جاسکے۔ حماس نے روس کی طرف سے ماسکو کے دورے کی دعوت کا خیر مقدم کرتے ہوئے کہا ہے کہ جماعت اس دورے سے فائدہ اٹھا کر فلسطینی دھڑوں میں مصالحتی مساعی کو کامیاب بنانے کی کوشش کرے گی۔