غزہ (روز نامہ قدس ۔آن لائن خبر رساں ادارہ) قطر کی طرف سے غزہ کی پٹی کے سرکاری ملازمین کے لیے 15 ملین ڈالر کی رقم جاری کرنے کا اعلان کیا گیا ہے۔ یہ رقم رواں ہفتے غزہ کو منتقل کی جائے گی۔
روز نامہ قدس کو موصول ہونے والی اطلاعات کے مطابق قطری سفیر محمد العمادی نے اتوار کو غزہ کا دورہ کہا جہاں انہوں نے کہا کہ آئندہ بدھ کو غزہ کے لیے 15 ملین ڈالر کی رقم جاری کی جائے گی۔ ان کا کہنا تھا کہ اسرائیل کی طرف سے غزہ کی پٹی کے ملازمین کو تنخواہوں کی ادائیگی کے لیے رقم جاری کرنے پر پابندی ہٹا دی گئی ہے جس کے بعد بدھ اور جمعرات تک رقم کی سپلائی کی جائے گی۔
ادھر حال ہی میں اسرائیل نے کہا تھا کہ وہ غزہ کی پٹی میں جاری احتجاج کے بعد غزہ کو قطری امداد کی فراہمی کی اجازت نہیں دے گا۔ اسرائیلی پابندی کے باعث غزہ کے ملازمین کو تنخواہیں جاری نہیں کی جاسکیں ہیں۔
العمادی نے کہا کہ وہ اسرائیل پر غزہ میں 80 ملین ڈالر لاگت سے بجلی کے منصوبے کو شروع کرانے کے لیے دباؤ ڈالیں گے۔
گذشتہ برس نومبر میں قطر نے چھ ماہ کے لیے غزہ کے ملازمین کو ایک کروڑ 50 لاکھ ڈالر کی رقم فراہم کرنے کا اعلان کیا تھا۔