مقبوضہ بیت المقدس (روز نامہ قدس ۔آن لائن خبر رساں ادارہ) اسرائیلی پولیس نے مسجد اقصٰی کے ڈائریکٹر الشیخ عمر الکسوانی پر وحشیانہ تشدد کیا۔ دوسری جانب فلسطینی عوامی اور مذہبی حلقوں کی طرف سے مسجد اقصیٰ کے ڈائریکٹر پراسرائیلی فوجیوں کے تشدد کی شدید مذمت کی ہے۔
روز نامہ قدس کو موصول ہونے والی اطلاعات کے مطابق گزشتہ روز اسرائیلی فوج نے مسجد اقصیٰ کے ڈائریکٹر الشیخ عمر الکسوانی کو وحشیانہ تشدد کا نشانہ بنایا۔
مقامی فلسطینی ذرائع کے مطابق مسجد اقصیٰ کے محافظوں اور اسرائیلی فوج کے درمیان تصادم کے بعد اسرائیلی فوج نے نمازیوں کو مسجد میں داخل ہونے سے روک دیا۔
تفصیلات کے مطابق اسرائیلی فوجیوں نے کئی گھنٹے تک مسجد اقصیٰ کو نمازیوں کے لیے بند رکھا۔ اس دوران اسرائیلی پولیس اہلکاروں نے قبۃ الصخرۃ پر دھاؤے کی کوشش کی تاہم مسجد کے محافظوں نے اسرائیلی پولیس کے بلوے کی کوشش ناکام بنا دی۔