رام اللہ (روز نامہ قدس ۔آن لائن خبر رساں ادارہ) صیہونی جیلوں میں فلسطینی اسیران میں کئی فلسطینی ایسے ہیں برسوں سے پابند سلاسل ہیں۔ سب سے زیادہ طویل عرصے سے پابند سلاسل فلسطینی قید کے 36 سال مکمل کرنے کے بعد اسیری کے 37 ویں برس میں داخل ہوگئے ہیں۔
روز نامہ قدس کو موصول ہونے والی اطلاعات کے مطابق کریم یونس 23 جنوری 1958ء کو مقبوضہ فلسطین میں پیدا ہوئے۔ وہ اپنے بہن بھائیوں میں سب سے چھوٹے ہیں۔ انہیں چھ جنوری 1983ء کو حراست میں لیا گیا۔ اس وقت ان کی عمر 25 سال تھی۔ اسرائیل کے خلاف مسلح مزاحمت کے الزام میں کریم یونس پرفوجی عدالت نے مقدمہ چلایا گیا۔ عدالت نے انہیں عمر قید کی سزا سنائی۔ کریم یونس کی اسیری کےعرصے میں کئی اہم واقعات رونما ہوئے۔ قیدیوں کے تبادلے کے کئی معاہدے ہوئے جن میں فلسطینی تنظیموں کی طرف سے کریم یونس کا نام بھی شامل کیا گیا مگر اسرائیلی ریاست ان کا نام شامل کرنے سے ہر بار انکار کیا۔
خیال رہے کہ صیہونی زندانوں میں پابند سلاسل فلسطینیوں کی تعداد 7000 کے قریب ہے جن میں سیکڑوں بچے اور خواتین پابند سلاسل ہیں۔