رام اللہ (روز نامہ قدس ۔آن لائن خبر رساں ادارہ) فلسطین کے مقبوضہ مغربی کنارے کے وسطی شہر رام اللہ میں صیہونی فوج کی فائرنگ اور آنسوگیس کی شیلنگ کے نتیجے میں 9 فلسطینی شہری زخمی ہوگئے۔
روز نامہ قدس کو موصول ہونے والی اطلاعات کے مطابق رام اللہ کے نواحی علاقے البیرہ میں فلسطینیوں شہریوں کی طرف سے اسرائیلی ریاستی دہشت گردی کے خلاف ریلی نکالی تھی۔ صیہونی فوج نے مظاہرین کو منتشر کرنے کے لیے ان پر لاٹھی چارج کیا اور آنسوگیس کی شیلنگ کی۔ گیس کے گولے لگنے سے 7 فلسطینی جب کی گولیاں لگنے 2 فلسطینی زخمی ہوگئے۔
پُرامن مظاہرین پر اسرائیلی فوج کی شیلنگ کے بعد مظاہرین مشتعل ہوگئےاور انہوں نے اسرائیلی فوج پر سنگ باری کی۔
اسرائیلی فوج کی بھاری نفری نے البیرہ کی مسجد العین کے 200 میٹر قریب جمع ہو کر فلسطینی مظاہرین پر یلغار کی۔ صیہونی فوج کی فائرنگ سے 16 سالہ فواز ماھر عادل سرمیں گولی لگنے سے شدید زخمی ہوا۔