مقبوضہ بیت المقدس (روز نامہ قدس ۔آن لائن خبر رساں ادارہ) اسرائیلی حکومت کے ذرائع کا کہنا ہے کہ مشیر قانون رواں سال اپریل میں ہونے والے پارلیمانی انتخابات سے قبل وزیراعظم بنجمن نیتن یاھو کی کرپشن سے متعلق کیسز کی تفصیلات حکومت کے سامنے پیش کرسکتے ہیں۔
روز نامہ قدس کو موصول ہونے والی اطلاعات کے مطابق عبرانی ٹی ریڈیو کی رپورٹ میں بتایا گیا ہے کہ وزارت قانون کے ایک ذمہ دار ذریعے نے شناخت ظاہر نہ کرنے کی شرط پر بتایا کہ مشیر قانون افیحائی منڈلبلیٹ وزیراعظم کی کرپشن سے متعلق کیسز کی تفصیلات حکومت کے سامنے پیش کرسکتے ہیں۔
خیال رہے کہ اسرائیل میں 9 اپریل کو کنیسٹ کے انتخابات ہو رہے ہیں۔ حال ہی میں اسرائیلی پراسیکیوٹر جنرل نے کہا تھا کہ نیتن یاھو کےخلاف جاری بدعنوانی کے کیسز پر انتخابات سے قبل فرد جرم عائد ہوسکتی ہے۔