مقبوضہ بیت المقدس (روز نامہ قدس ۔آن لائن خبر رساں ادارہ) اسرائیلی حکومت کی طرف سے فلسطین کے مقبوضہ بیت المقدس میں مسجد اقصیٰ کے قریب زیرزمین سرنگوں کی کھدائیوں کے نتیجے میں جگہ جگہ سے زمین پھٹ گئی اور کئی مقامات پر گہرے گڑھے پڑ گئے۔
روز نامہ قدس کو موصول ہونے والی اطلاعات کے مطابق مسجد اقصیٰ کے جنوبی قصبے سلوان میں وادی حلوہ کالونی میں کھدائی کے باعث کئی مقامات پر شگاف پڑ گئے۔
رپورٹ کے مطابق کالونی کی ایک مرکزی شاہراہ میں شگاف پڑ گئی ہیں۔ جس جگہ زمین میں شگاف پڑے ہیں وہ مسجد اقصیٰ کی جنوبی دیوار اور دیوار براق سے تھوڑے فاصلے پر ہے۔
ادھر بیت المقدس میں وادی حلوہ میں جامع مسجد ’’العین‘‘ کے قریب بھی متعدد مقامات پر زمین نیچے دھنس گئی۔
خیال رہے کہ گذشتہ کچھ عرصے کے دوران اسرائیلی حکومت نے بیت المقدس میں نام نہاد آثار قدیمہ کے تحت کھدائیوں کا سلسلہ جاری ہے۔ ان کھدائیوں کے نتیجے میں مسجد اقصیٰ کی بنیادیں کمزور ہوئی ہیں۔