غزہ (روز نامہ قدس ۔آن لائن خبر رساں ادارہ) اسلامی تحریک مزاحمت (حماس) نے کہا ہے کہ غزہ کی پٹی میں مظاہرین کے خلاف طاقت کے استعمال کی کسی بھی اسرائیلی حماقت کا منہ توڑ جواب دیا جائے گا۔
روز نامہ قدس کو موصول ہونے والی اطلاعات کے مطابق حماس کے ترجمان عبداللطیف القانوع نے ایک بیان میں کہا کہ جمعہ کے روز اسرائیلی فوج کی کسی بھی جارحیت کا منہ توڑ جواب دینے کے لیے فلسطینی مزاحمتی قوتیں تیار رہیں۔ انہوں نے کہا کہ غزہ کی پٹی میں جمعہ کے بعد ہونے والے مظاہروں کے دوران مظاہرین کو مکمل تحفظ فراہم کیا جائے گا، اگر اسرائیلی فوج نے حملے کی حماقت کی تو اس کا منہ توڑ جواب دیا جائے گا۔
القانوع نے کہا کہ فلسطینی مزاحمتی تنظیموں کی جانب سے قائم کردہ مشترکہ کنٹرول روم نے حق واپسی کے لیے ہونے والے مظاہروں کے دوران مظاہرین کو مکمل تحفظ فراہم کرنے کا تہیا کر رکھا ہے۔ اگر اسرائیل کی طرف سے مظاہرین پر طاقت کے استعمال کی حماقت کی گئی تو اس کا منہ توڑ جواب دیا جائے گا۔