خان یونس (روز نامہ قدس ۔آن لائن خبر رساں ادارہ) غاصب اور جابر صیہونی فوجیوں کی فائرنگ سے زخمی ہونے والا 5 سالہ فلسطینی بچہ زخموں کی تاب نہ لاتے ہوئے شہید ہو گیا۔
روز نامہ قدس کو موصول ہونے والی اطلاعات کے مطابق فلسطین کی وزارت صحت کے اعلان کے مطابق احمد یاسری صبری جو گزشتہ جمعہ کو خان یونس میں واپسی مارچ کے دوران صیہونی فوجیوں کی فائرنگ سے زخمی ہوا تھا زخموں کی تاب نہ لاتے ہوئے شہید ہو گیا۔
تیس مارچ دو ہزار اٹھارہ سے جاری فلسطینیوں کے گرینڈ واپسی مارچ پر صیہونی فوجیوں کی فائرنگ کے نتیجے میں اب تک 247 سے زائد فلسطینی شہید اور 25 ہزار سے زائد زخمی ہو چکے ہیں۔
فلسطینی عوام نے اپنے حقوق کی بازیابی کے لئے تیس مارچ دو ہزار اٹھارہ سے گرینڈ واپسی مارچ کا آغاز کیا تھا جس کے تحت ہزاروں افراد ہر جمعے کو غزہ سے ملنے والی مقبوضہ فلسطین کی سرحدوں کی جانب مارچ کرتے ہیں۔
اس مارچ کا مقصد امریکی سفارت خانے کی بیت المقدس منتقلی اور سات سال سے جاری غزہ کے ظالمانہ محاصرے کے خلاف احتجاج کرنا ہے۔