مقبوضہ بیت المقدس (روز نامہ قدس ۔آن لائن خبر رساں ادارہ) اسرائیلی وزیراعظم نے کہا ہے کہ وہ حکومت کی مدت پوری کریں گے، البتہ اگر ضرورت پڑی تو وہ قبل از وقت انتخابات کے لیے بھی تیار ہیں۔
روز نامہ قدس کو موصول ہونے والی اطلاعات کے مطابق عبرانی اخبار’’اسرائیل الیوم‘‘ کی رپورٹ میں نیتن یاھو پارلیمنٹ میں ایک نیا مسودہ قانون پیش کرنے والے جس میں انتخابات میں سیاسی جماعتوں کی مدد کرنے والی تنظیموں کو سامنے لانے میں مدد ملے گی۔ ان کا کہنا ہے کہ فی الحال انتخابات کا شیڈول جاری نہیں کیا جاسکتا۔ حکومت اپنی مدت پوری کرے گی تاہم ضرورت پڑی تو انتخابات بھی کرائے جاسکتے ہیں۔
عبرانی اخبار کے مطابق نیتن یاھو بہ ظاہر یہ دعویٰ کر رہے ہیں کہ ان کی حکومت اپنی آئینی مدت پوری کرے گی مگر در پردہ وہ انتخابات کے لیے تیاری کر رہے ہیں۔ اخباری رپورٹ کے مطابق نیتن یاھو انتخابات کے دوران سیاسی جماعتوں کی مالی مدد کرنے والوں کو سامنے لانا چاہتے ہیں۔
گذشہ ہفتے نیتن یاھو نے اپنی اتحادی جماعتوں کے رہنماؤں سے ملاقات میں کہا تھا کہ انہیں معلومات ملی ہیں کہ بائیں بازو کی جماعتیں انہیں وزارت اعظمیٰ کے عہدے سے روکنے کے لیے کروڑوں شیکل کی رقم صرف کرتی رہی ہیں۔