اسرائیلی پارلیمنٹ کے رکن آوی دیختر نے کہا ہے کہ اسرائیل کے لیے اصل مسئلہ بیت المقدس نہیں غزہ ہے۔
انہوں نے اسرائیلی ریڈیو کو انٹرویو میں کہا کہ غزہ میں اسلامی تحریک مزاحمت (حماس) کا عسکری انفراسٹرکچر اسرائیل کے لیے اسٹریٹجک مسئلہ ہے۔ اس انفراسٹرکچر کو ختم کرنا صہیونی ریاست کے لیے مشکل ہدف ہے۔ واضح رہے کہ آوی دیختر اسرائیلی خفیہ ادارے کے سابق سربراہ ہیں۔
آوی دیختر نے مزید کہا کہ صہیونی ریاست حماس کو ختم کرنے کے لیے جلد متحرک ہوگی۔ انہوں نے اس بات کی طرف اشارہ کیا کہ حماس کے انفراسٹرکچر کو ختم کرنے کے لیے فلسطینی اتھارٹی اور بعض عرب ممالک بھی اسرائیل کا ساتھ دیں گے۔ اگر فلسطینی اتھارٹی حماس کا خاتمہ نہ کرسکی تو اسرائیل کو خود حماس کے خلاف کارروائی کرنے پر مجبور ہونا پڑے گا۔