فلسطینی مزاحمتی تنظیم اسلامی جہاد کے ایک ترجمان نے کہا ہے کہ اسرائیل ایک اور جنگ کے اسباب پیدا کرنے کی کوشش کر رہا ہے۔
اسلامی جہاد کے القدس بریگیڈ کے ترجمان ابو احمد نے خبر رساں ایجنسی معن کو بتایا ہے کہ غزہ میں اسرائیل کے حالیہ فضائى حملے، مزاحمت کی تحریک کو اشتعال دلانے اور اُسے کسی فوجی تصادم میں گھسیٹ لینے کی ایک کوشش کے تحت کیے گئے تھے۔
انہوں نے یہ انتباہ بھی کیا ہے کہ میزائیلوں سے بچاؤ کے لیے ”آہنی گنبد“ کے نام سے اسرائیل کی نئى دفاعی ڈھال، فلسطینیوں کے راکٹوں کو نہیں روک سکے گی۔ ابو احمد کے اس بیان سے پہلے غزہ سے جنوبی اسرائیل پر متعدد راکٹ فائر کیے گئے تھے۔