اسلامی تحریک مزاحمت (حماس) کو کوئی بھی فولادی یا غیر فولادی دیوار زیر نہیں کر سکتی – حماس کے ترجمان سامی ابو زہری نے کہا ہے کہ آزادی کا واحد راستہ مزاحمت ہے- حماس کا راستہ فلسطین اور بیت المقدس کی آزادی ہے – غزہ ہر امتحان میں ثابت قدم رہا ہے اور آئندہ بھی کوئی جارحیت فلسطینی عوام کے حوصلوں کو پست نہیں کر سکتی – ان خیالات کا اظہار انہوں نے غزہ میں شہداء کی یاد میں منعقد تقریب سے خطاب میں کیا- انہوں نے مزید کہا کہ ان کی تحریک آج ہر مسلم کے دل میں گھر کر چکی ہے – انہوں نے اسرائیلیوں کو مخاطب کرتے ہوئے کہا کہ تم ناکام ہو چکے ہو- حماس باقی رہے گی خواہ اسے کتنی ہی قربانیاں اور کتنی ہی مشکلات کا سامنا کرنا پڑے-
