جمعۃ الوداع یوم القدس دنیا بھر کے مظلوموں کی حمایت کا دن ہے۔ جیکب آباد میں سیاسی و مذہبی جماعتوں کی مشترکہ پریس کانفرنس

 

فلسطین فاؤنڈیشن پاکستا ن کے تحت رمضان المبارک میں یوم القدس کی حمایت میں جاری مہم ’’یا قدس ! ہم آ رہے ہیں‘‘ کی مناسبت سے جیکب آباد پریس کلب میں سیاسی و مذہبی جماعتوں کی مشترکہ آل پارٹیز پریس کانفرنس کا انعقاد کیا گیا جس میں پاکستان مسلم لیگ نواز اور چئیر مین شہری اتحاد محد اکرم ابڑو، مجلس وحدت مسلمین پاکستان کے مرکزی رہنما

مولانا مقصود علی ڈومکی، جماعت اہل سنت کے مولانا صوفی فتح محمد، پاکستان تحریک انصاف کے رہنما حاجی لکھمیر چاچڑ، جماعت اسلامی کے خادم حسین جاکھرانی، آل پاکستان مسلم لیگ کے ناصر خان، جاموٹ قومی موومنٹ کے نثار احمد ابڑو، آئی ایس او کے ضلعی رہنما رجب علی سمیت سماجی رہنماؤں میں گل پلیدی، سراج احمد شاہ اور دیگر شریک ہوئے ۔
سیاسی ومذہبی جماعتوں کے رہنماؤں نے رمضان المبارک کے آخری جمعہ یعنی جمعۃ الوداع کو عالمی یوم القدس کی مناسبت سے منانے اور یوم القدس کے اجتماعات میں اپن شرکت کو یقینی بنانے کا اعلان کرتے ہوئے عوام سے بھی اپیل کی کہ القدس کی آزادی کے لئے منعقدہ اجتماعا ت میں بھرپور شرکت کی جائے۔