(فلسطین نیوز۔مرکز اطلاعات) فلسطین کے مقبوضہ فلسطین کے شمالی شہر الجلیل میں کل ہفتے کو فلسطینی نوجوان ایک مقامی اسرائیلی پولیس سینٹر میں داخل ہوئے اور تھانے کی چھت پر چڑھ کر فلسطینی پرم لہرا دیا۔ اگرچہ بعد ازاں اسرائیلی پولیس نے فلسطینی پرچم اتار دیا مگر وہ فلسطینیوں کو تھانے میں داخل ہونے اور پرچم کشائی سے نہیں روک سے۔
فلسطین نیوز کو موصول ہونے والی اطلاعات کے مطابق متعدد فلسطینی نوجوان ہفتے کو علی الصباح شعب کے مقام پر واقع پولیس تھانے میں داخل ہوئے اور تیزی سے تھانے کی چھت پر چڑھ کر فلسطینی پرچم لہرا دیا۔ فلسطینیوں نے تھانے میں گھس کر وہاں نگرانی کے لیے لگائے گئے خفیہ کیمرے بھی توڑ دیے۔
خیال رہے کہ شعب قصبہ شمالی فلسطین کے سنہ 1948ء کے دوران اسرائیل کے قبضے میں چلے گئے شہر الجلیل کا اہم ترین مقام ہے۔ سنہ 1931ء میں اس قصبے میں 19 عیسائی، ایک یہودی اور 1277 مسلمان تھے اور اس میں کل 284 گھر آباد تھے۔ آج یہاں یہودی آباد کاروں کی اکثریت ہے۔