(فلسطین نیوز۔مرکز اطلاعات) یہودی تنظیموں نے 15 مئی کو ‘یوم نکبہ’ کے موقع پر ایک بار پھر مسجد اقصیٰ میں گنبد صخرہ کے اوپر اسرائیلی جھنڈا لہرانے کا مطالبہ کیا ہے۔
بیت المقدس میں مسجد اقصیٰ کی جگہ ھیکل سلیمانی کی تعمیر کا مطالبہ کرنے والی ان تنظیموں نے سوشل میڈیا اور ویب سائٹس پر ایسے پوسٹر شائع کئے ہیں جن میں ایک یہودی آبادکار کو گنبد صخرہ پر اسرائیلی جھںڈا لہراتے ہوئے دیکھا جاسکتا ہے۔فلسطین نیوز کو موصول ہونے والی اطلاعات کے مطابق اسرائیلی وزیر برائے ثقافت اور سپورٹس ایک نئے قانون کو متعارف کروا رہے ہیں جس کے تحت اسرائیلی حکومت کی فنڈنگ حاصل کرنے والے تمام تنظیموں کی عمارات پر اسرائیلی جھنڈا لہرانا ضروری ہوگا۔