فلسطین نیوز کو موصول ہونے والی اطلاعات کے مطابق غزہ وزارت داخلہ کے ترجمان ایاد البزم نے میڈیا کو جاری رپورٹ میں بتایا گیا ہے تمام تر اپیلوں کے باوجود مصری حکومت نے رفح گذرگاہ کی بندش کا سلسلہ جاری ہے۔
انہوں نے بتایا کہ رفح گذرگاہ کی بندش کا سلسلہ سنہ 2010ء میں شروع ہوا اور آج تک جاری و ساری ہے۔ رواں سال میں چار ماہ کے دوران صرف تین دن کے لیے رفح گذرگاہ کھولی گئی۔
رپورٹ کے مطابق سنہ 2015ء اور رواں سال کے چار ماہ کے دوران اب تک صرف 24 دن رفح گذرگاہ کو کھولا گیا ہے۔
رپورٹ میں بتایا گیا ہے کہ مجموعی طورپر 2014ء کے دوران رفح گذرگاہ 125دن کھولی گئی، اس سے قبل سنہ 2013ء میں رفح گذرگاہ 102 دن تک بند رہی۔ سنہ 2012ء میں 56 دن رفح گذرگاہ بند رہی جب کہ اس سال میں 310 دن گذرگاہ کھولی گئی۔ اس سے قبل سنہ 2011ء میں 96 دن تک رفح گذرگاہ اور سنہ 2010ء میں 122 رفح گذرگاہ کھولی گئی۔
خیال رہے کہ سنہ 2013ء میں فوجی حکومت کے قیام کے بعد غزہ کی واحد بین الاقوامی گذرگاہ رفح کو بند کر دیا گیا تھا۔ اس کے بعد یہ گذرگاہ بیشتر اوقات میں بند ہی رہتی ہے۔