(فلسطین نیوز۔مرکز اطلاعات) اسرائیلی ذرائع ابلاغ نے انکشاف کیا ہے کہ اسرائیلی حکومت نے فلسطین کے مشرقی بیت المقدس شہر میں قائم ’’بسگات ایف‘‘ نامی یہودی کالونی میں یہودیوں کو آباد کرنے کے لیے مزید 900 رہائشی فلیٹ تعمیر کرنے کا اعلان کیاہے۔
اسرائیل کےہفتہ وار جریدہ کی رپورٹ میں بتایا گیا ہے کہ حال ہی میں وزارت ہاؤسنگ وآباد کاری مشرقی بیت المقدس کی بسگات ایف یہودی کالونی میں یہودیوں کے لیے نو سو نے گھرتعمیر کرنے کےنقشے کی منظوری دیتے ہوئے اس پر جلداز جلد کام شروع کرنے کی بھی ہدایت کی ہے۔بیان میں بتایا گیا ہے کہ حال ہی میں اسرائیلی ہاؤسنگ و آباد کاری کمیٹی کے اجلاس کےدوران ماہرین نے بسگات ایف کالونی میں مزید مکانات کی تعمیر اور اس کے منفی و مثبت اثرات پر تفصیلی تبادلہ خیال کیا۔ ذرائع کا کہنا ہے کہ اسرائیل کی وزارت مواصلات بھی مشرقی بیت المقدس میں یہودی آباد کاروں کے لیے مزید نو سو مکانات کی تعمیر کی حامی ہے اور اس نے بھی منصوبے پر جلد سے جلد کام شروع کرنے کی ہدایت کی ہے۔