(فلسطین نیوز۔مرکز اطلاعات) اسماعیل ہنیہ نے غزہ میں ایک کانفرنس سے خطاب میں کہا کہ تحریک انتفاضہ قدس ایک نئے مرحلے میں داخل ہو گئی ہے اور فلسطینی نوجوان اس میں پیش پیش ہیں۔ انہوں نے کہا کہ تحریک انتفاضہ قدس کو روکنے کی تمام تر کوششوں کے باجود فلسطینی نوجوانوں اس تحریک کو آگے بڑھا رہے ہیں۔ ڈاکٹر اسماعیل ہینہ نے کہا کہ حماس، اسلامی نظریات کی بنیاد پر قائم ہونے والی قومی آزادی کی ایک تحریک ہے اور اس کے ہتھیار صرف غاصب صیہونی حکومت کے خلاف استعمال ہو رہے ہیں۔ انہوں نے کہا کہ مسجدالاقصی کی آزادی تمام فلسطینیوں کا اسٹریٹیجک ہدف ہے اور یہ ہدف ہماری ترجیحات میں سرفہرست ہے۔
ڈاکٹر اسماعیل ہنیہ نے کہا کہ حماس، مسجدالاقصی کی آزادی کے لئے اپنی پوری توانائیاں بروئے کار لا رہی ہے۔ قابل ذکر ہے کہ "ہماری تحریک القدس کے لئے ہے” کے زیر عنواں منقعدہ اس کانفرنس میں ہزاروں فلسطینی شریک ہوئے۔