(فلسطین نیوز۔مرکز اطلاعات) فلسطین میں سرکاری سطح پر جاری کردہ ایک رپورٹ میں بتایا گیا ہے کہ سنہ 2015 ء کی چوتھائی میں بیرون ملک فلسطینی سرمایہ کاری کے خسارے کا حجم 899 ملین ڈالر ریکارڈ کیا گیا ہے۔
فلسطین کے مرکزی ادارہ شماریات کی جانب سے جاری کردہ رپورٹ میں بتایا گیا ہے کہ بیرون ملک فلسطینی سرمایہ کاری پچھلے سال کے اختتام تک 5 ارب 855 ملین ڈالر ریکارڈ کی گئی تھی۔رپورٹ کے مطابق بیرون ملک فلسطینی سرمایہ کاری کا 6 فی صد براہ راست کیا گیا۔ 18.5 فی صد سرمایہ کری محفوظ ذخائر کی شکل میں کی گئی، 65.6 فی صد سرمایہ کاری کرنسی اور ڈیپازٹ کی مد میں جب کہ 9.9 فی صد سرمایہ کاری ریزرو رقوم کے ذریعے کی گئی۔
بیرون ملک بنکنگ سیکٹر میں مجموعی طورپر 74.4 فی صد سرمایہ کاری کی گئی۔
اسی طرح فلسطین میں بیرونی سرمایہ کاری کا حجم 4 ارب 856 ملین ڈالر ریکارڈ کیا گیا۔ براہ راست سرمایہ کاری کا حجم 50.1 فی صد، محفوظ ذخائر میں 16.6 فی صد جب کہ 33.3 فی صد قرض اور دیگر مدات کے ذریعے سرمایہ کاری کی گئی۔ رپورٹ میں بتایا گیا ہے کہ اس سنہ 2015 ء کی قومی پیداوار کے حساب سے فلسطین پربیرونی قرضوں کا حجم 19 فی صد ہے۔