(فلسطین نیوز۔مرکز اطلاعات) فلسطین کے مقبوضہ مغربی کنارے کے شمالی شہر نابلس میں اسلامی تحریک مزاحمت ’’حماس‘‘ کے مقامی رہنما الشیخ سعید بلال کی اسرائیلی جیل سے رہائی کے چند روز بعد اچانک وفات پر جماعت کی قیادت نے گہرے دکھ اور افسوس کا اظہارکیا ہے۔
رپورٹ کے مطابق حماس کے سیاسی شعبے کے سربراہ خالد مشعل اور سیاسی شعبے کے نائب صدر وسابق وزیراعظم اسماعیل ھنیہ نے اپنے الگ الگ تعزیتی پیغامات میں مرحوم کے خاندان سے گہرے دکھ کا اظہار کیا۔مرحوم کے بیٹے اور حماس رہنما الشیخ بکر بلال کے نام اپنے پیغامات میں حماس کے دونوں سرکردہ رہ نماؤں نے مرحوم کی اسلام اورمسئلہ فلسطین کے لیے خدمات کو خراج عقیدت پیش یا۔
خالد مشعل کا کہنا تھا کہ مرحوم الشیخ سعید بلال فلسطین میں اخوان المسلمون اور اسلامی تحریک کے بانی رہنماؤں میں سےایک تھے۔ ان کی وفات سے فلسطین ایک جہاں دیدہ دینی رہنما سے محروم ہوگیا ہے۔
خیال رہے کہ الشیخ بکرسعید بلال چند روز قبل اسرائیلی جیل سے رہا ہوئے تھے۔ رہائی کے کچھ ہی دیر بعد وہ اس فانی دنیا سے کوچ کرگئے۔
حماس کے قائدین نے القسام بریگیڈ کے شہید کارکنوں معاذ اور عثمال بلال کے اہل خانہ سے بھی تعزیت کا اظہار کیا۔ خالد مشعل نے اپنے پیغام میں فلسطینی قوم میں وحدت کی ضرورت پر بھی زور دیا اور قوم سے اپیل کی کہ وہ صہیونی مظالم کے خلاف سیسہ پلائی دیوار بن جائے۔