(فلسطین نیوز۔مرکز اطلاعات) اسلامی تحریک مزحمت ’’حماس‘‘ نے دعویٰ کیا ہے کہ گذشتہ سوموار کو اسرائیل فوج کے ساتھ مقبوضہ مغربی کنارے کے شہر الخلیل میں ایک جھڑپ میں شہید ہونے والے نوجوان قاسم جابر کا تعلق جماعت کےعسکری ونگ عزالدین القسام بریگیڈ سے تھا۔
رپورٹ کے مطابق حماس کے عسکری ونگ القسام بریگیڈ کی جانب سے جاری کردہ ایک بیان میں کہا گیا ہے کہ شہید قاسم جابر نے الخلیل شہر میں کریات اربع میں اپنی گاڑی کی ٹکر سے دو یہودی فوجی کچل ڈالے تھے جس کے بعد صہیونی فوج کی فائرنگ سے وہ موقع پر شہید ہوگیا تھا۔بیان میں مزید کہا گیا ہے کہ 31 شہید سالہ قاسم جابر القسام کے الخلیل شہر میں قائم ’’گمنام سیل’’ یا ’’ریپیڈ سیل‘‘ سے تعلق تھا۔ سنہ 2004 ء میں اسرائیلی فوج نے حماس کے ریپیڈ سیل کو غرب اردن میں انتہائی خطرناک خفیہ سیل قرار دیا تھا۔
بیان میں مزید کہا گیا ہے کہ شہید قاسم جابر اپنی شہادت سے قبل اسرائیلی فوج کے خلاف کئی مزاحمتی کارروائیوں میں حصہ لیتے ہوئے دشمن کو بھاری جانی اور مالی نقصان پہنچا چکا ہے۔