رپورٹ کے مطابق صہیونی پولیس نے فلسطینی خواتین کے نقاب نوچ ڈالے اور ان کی چادریں اتارنے کے بعد ان کی جرابیں تک اتروا کران کی تلاشی لی گئی۔ نیم برہنہ تلاشی کی مذموم پالیسی کے خلاف فلسطینی شہریوں نے سخت احتجاج کیا ہے۔
رپورٹ کے مطابق بیت المقدس کے باب العامود کے مقام پر صہیونی پولیس اہلکاروں نے ایک فلسطینی خاتون کو روک کر اس کی تلاشی لی۔ تلاشی کے مذموم عمل کے دوران اس کے چہرے سے نقاب اور حجاب اتار دیا گیا۔بعد ازاں اس کی چادر بھی اتار پھینکی اور اس کے جوتے اتارنے کے بعد اس کی جرابیں تک اتار دیں۔
ایک دوسری خاتون کو جرابیں اتارنے کے لیے کہا گیا تو اس نے انکار کردیا جس صہیونی غنڈوں نے زبردستی اس کی جرابیں اتاریں اور اس کے چہرے سے نقاب کھینچ ڈالا۔
عینی شاہدین کا کہنا ہے کہ فلسطینی خواتین اور اسرائیلی پولیس کے درمیان کئی گھنٹے تک تو تکار جاری رہی مگر صہیونی پولیس خواتین کی نیم عریاں تلاشی پرمصررہی۔ صہیونی پولیس کے اس وحشیانہ اور غیراخلاقی طرز عمل کے خلاف فلسطینی شہریوں نے احتجاج کیا تو ان پر آنسوگیس کی شیلنگ کے ساتھ ساتھ ان پرلاٹھی چارج بھی کیا گیا۔