رپورٹ کے مطابق ’’اونروا‘‘ کی جانب سے جاری کردہ ایک بیان میں کہا گیا ہے کہ ادارے نے پناہ گزینوں کی بڑھتی ضروریات کے پیش نظر امداد دینے والے ملکوں سے امدادی بجٹ میں اضافے کی درخواست کی تھی جس پرعمل درآمد کرتے ہوئے سویڈن نے سالانہ امداد میں 15 فی صد اضافہ کردیا ہے۔
بیان میں سویڈن کی جانب سے امدادی رقم میں اضافے پراسٹاک ہوم حکومت کا شکریہ ادا کیا اورامداد دینے دوسرے ملکوں سےبھی اپیل کی ہے کہ وہ فلسطینی پناہ گزینوں کے لیے دل کھول کر امداد دیں۔
ادھر سویڈن کے قونصل جنرل آن صوفی نیلسن نے ایک بیان میں کہا ہے کہ سویڈن کی حکومت کی طرف سے اونروا کی امدادی رقم میں اضافہ اہمیت کا حامل ہے۔ انہوں نے کہا کہ سویڈن فلسطینی پناہ گزینوں کی مالی امداد جاری رکھے گا۔
خیال رہے کہ سویڈن نے سنہ 1993 ء سے 2016 ء کے درمیان فلسطینی پناہ گزینوں کے لیے کل 693 ملین ڈالر امداد فراہم کی ہے۔ اس میں چالیس ملین اور چھ سو ڈالر کی حالیہ امداد بھی شامل ہے۔