(فلسطین نیوز۔مرکز اطلاعات) رپورٹ کے مطابق برازیلی پارلیمنٹ کے رکن، کارلوس ماران نے اسرائیل کی جانب سے نئے سفیر دانی دیان کی تعیناتی کو برازیل کی توہین قرار دیتے ہوئے کہا کہ آبادکاروں نے دوسروں کی زمین چھینی ہے اور ہم ایسے افراد کو اسرائیلی عوام اور حکومت کے نمائندے کے طور پر قبول نہیں کرسکتے۔
چار ماہ گزر جانے کے باوجود، برازیل نے اسرائیل کی جانب سے برازیل میں تعینات کئے گئے نئے سفیر دانی دیان کو قبول نہیں کیا جس کی وجہ سے اسرائیل اور برازیل کے درمیان سیاسی بحران میں شدّت آچکی ہے۔
واضح رہے کہ 60 سالہ دیان مغربی کنارے میں واقع یہودی بستی یشع کا مئیر کے طور پر کام کرنے کے علاوہ 2007 سے 2013 تک مغربی کنارے میں واقع یہودی بستیوں کا ڈائرکٹر جنرل بھی رہ چکا ہے۔