(فلسطین نیوز۔مرکز اطلاعات) فلسطینی اتھارٹی کے زیرانتظام جیل میں ایک فلسطینی ڈاکٹر پچھلے کئی روز سے بہ طور احتجاج بھوک ہڑتال جاری رکھے ہوئے ہیں۔ دوسری جانب بھوک ہڑتالی ڈاکٹر نے انسانی حقوق کی عالمی تنظیموں سے ڈاکٹر قسام قفیشہ کی رہائی کا مطالبہ کیا ہے۔
رپورٹ کے مطابق 28 سالہ ڈاکٹر قسام قفیشہ الخلیل شہر میں فلسطینی انٹیلی جنس ادارے کے ایک حراستی مرکز میں قید ہیں جہاں انہوں نے گذشتہ ایک ہفتے سے بھوک ہڑتال شروع کی ہے۔بھوک ہڑتالی فلسطینی ڈاکٹر کے اہل خانہ نے بتایا کہ کل سوموار کو فلسطینی وزارت صحت کے تحت سرکاری ڈاکٹروں کی تعیناتی کے لیے مقابلے کا امتحان دینا ہے۔ کل اگر وہ مقابلے کے امتحان میں شریک نہیں ہوسکے تو ان کا ایک سال ضائع ہوجائے گا۔
اہل خانہ نے فلسطینی تنظیموں، انسانی حقوق می مقامی اور عالمی اداروں سے مطالبہ کیا کہ وہ قفیشہ کی فوری رہائی کے لیے فلسطینی اتھارٹی پردباؤ ڈالے۔
خیال رہے کہ ڈاکٹر قسام قفیشہ کو چھ جنوری 2016 ء دس ماہ کے بعد رہا کیا تھا جس کے بعد عباس ملیشیا نے اسے گرفتار کرلیا۔ وہ اپنی بلا جواز گرفتاری کے خلاف گذشتہ ایک ہفتے سے بہ احتجاج بھوک ہڑتال پرہیں۔