(فلسطین نیوز۔مرکز اطلاعات) مصری حکومت کی جانب سے بتایا گیا ہے کہ فلسطین کے علاقے غزہ کی پٹی کی واحد بین الاقوامی گذرگاہ رفح کو آج ہفتے اور کل اتوار کے روز دو طرفہ ٹریفک کے لیے کھولا جائے گا۔
رپورٹ کے مطابق مصر کی بارڈر فورس کی جانب سے فلسطینی حکام کو بتایا گیا ہے کہ غزہ کی بین الاقوامی گذرگاہ رفح کو آج 13 اور کل 14 فروری کے ایام میں دو طرفہ آمد ورفت کے لیے کھولا جائے گا۔خیال رہے کہ رواں سال میں پہلی بارمصری حکومت نے رفح گذرگاہ دو دن کھولنے کا اعلان کیا ہے۔
سنہ 2013 ء میں مصر میں فوجی حکومت کے اقتدار کے بعد غزہ کی پٹی کی بین الاقوامی گذرگاہ رفح بند کردی گئی تھی جسے کئی ماہ کے بعد صرف چند ایام کے لیے کھولا جاتا ہے۔ گذرگاہ کی بندش کے نتیجے میں غزہ کے ہزاروں شہریوں کو جن میں مریض اور طلباء بھی شامل ہیں کو سنگین مشکلات کا سمنا کرنا پڑا ہے۔