30 سال سے فلسطنیوں کے حق میں سراپا احتجاج خاتون چل بسی

(فلسطین نیوز۔مرکز اطلاعات) رپورٹ کے مطابق امریکی دارالحکومت واشنگٹن میں وائٹ ہاؤس کے عین سامنے ایک اسی سالہ خاتون نے اپنی تمام عمر مقبوضہ فلسطین میں ظلم و تشدد کا نشانہ بنتے والے فلسطنیوں کے حق میں احتجاج کرتے ہوئے قربان کر دی۔ معمر خاتون گزشتہ 30 سال سے امریکی صدر کی رہائش گاہ کے سامنے پلاسٹک سے بنے کیمپ میں رہتی تھیں۔ خاتون کا مطالبہ تھا کہ اسرائیل ناجائز ریاست ہے اور اسکے نہتے فلسیطینوں کیخلاف مظالم ناقابل برداشت ہیں۔ صدر باراک اوباما سمیت دیگر امریکی صدور نے متعدد بار خاتون کو ہٹانے کی کوشش کی لیکن امریکہ کی سپریم کورٹ نے ہر بار فیصلہ خاتون کے حق میں دیا۔ تیس برس تک امریکی صدور کا سامنا کرنے والی یہ خاتون برفانی طوفان کا مقابلہ نہ کر سکیں اور انتقال کر گئیں۔