(فلسطین نیوز۔مرکز اطلاعات) رپورٹ کے مطابق اسرائیلی فوج نے منگل کو غرب اردن کے شہر الخلیل اور بیت لحم میں فلسطینی طلبا پر حملہ کر کے متعدد کو زخمی کر دیا ہے- اس حملے میں اسرائیلی فوج نے فلسطینی طلبا پر براہ راست فائرنگ کی اور آنسو گیس کے گولے پھینکے جس کے نتیجے میں دسیوں افراد گھٹن سے دوچار ہو گئے-
واضح رہے کہ اکتوبر دو ہزار پندرہ کے اوائل سے، انتفاضۂ قدس کے آغاز کے وقت سے اب تک غرب اردن کے مختلف علاقوں اور اسی طرح بیت المقدس میں فلسطینیوں اور اسرائیلی فوجیوں کے درمیان جھڑپوں کا سلسلہ جاری ہے- اس عرصے کے دوران اب تک ایک سو بیالیس فلسطینی شہید اور بڑی تعداد میں زخمی اور گرفتار کئے گئے ہیں-