اسرئیلی فوجیوں کے ہاتھوں ایک اور فلسطینی کی شہادت

رپورٹ کے مطابق صیہونی فوجیوں نے فلسطینیوں کے خلاف اپنے جرائم کا سلسلہ جاری رکھتے ہوئے منگل کی صبح شہر بیت لحم کے جنوب میں واقع صیہونی کالونی غوش عتصیون کے قریب ایک فلسطینی کو گولی مار کر شہید کر دیا- صیہونی فوجیوں کا دعوی ہے کہ یہ فلسطینی نوجوان ایک یہودی آباد کار پر حملہ کرنے کا ارادہ رکھتا تھا- اس رپورٹ کے مطابق صیہونی فوجیوں نے اس فلسطینی نوجوان کو گولی مار کر زخمی کرنے کے بعد اسے وہی چھوڑ دیا اور وہ زخموں کی تاب نہ لا کر شہید ہو گیا- اس فلسطینی کی شہادت کے بعد غرب اردن میں انتفاضہ قدس کے شہداء کی تعداد ایک سو سات ہوگئی ہے- صیہونی فوجی ایسے عالم میں اس فلسطینی شہید پر یہودی آباد کار پر حملہ کرنے کا الزام لگا رہے ہیں کہ اس واقعے میں کسی صیہونی پر کسی فلسطینی نے حملہ نہیں کیا ہے-