رپورٹ میں بتایا کہ کفار ادومیم کالونی کے مرکزی داخلی راستے پر ایک بس اسٹینڈ کے قریب ابو دیس قصبے سے تعلق رکھنے والے فلسطینی نوجوان نے گاڑی کی ٹکر سے دو فوجی کچل ڈالے جس کے نتیجے میں دونوں فوجی شدید زخمی ہوئے ہیں۔ انہیں ایک فوجی اسپتال منتقل کردیا گیا ہے۔
اسرائیلی پولیس کی جانب سے جاری کردہ ایک بیان میں کہا گیا ہےکہ فوجیوں کو گاڑی تلے کچلے جانے کا واقعہ بیت المقدس اور اریحا کو باہم ملانے والی مرکزی شاہراہ پر پیش آیا۔ پولیس کا کہنا ہے کہ یہ حادثہ نہیں بلکہ ایک طے شدہ حکمت عملی کے تحت منظم حملہ تھا جس میں حملہ آور کو گولیاں مار کر قتل کردیا گیا ہے۔
اسرائیل کے دوسرے ذرائع ابلاغ نے بھی دو یہودی فوجیوں کو گاڑی تلے کچلنے کے واقعے کی تصدیق کرتے ہوئے بتایا کہ ایک فلسطینی نے قصدا اپنی گاڑی سڑک کے کنارے کھڑے فوجیوں پر چڑھا دی تھی جس کے نتیجے میں دو فوجی زخمی ہوگئے۔ دوسرے فوجیوں نے فائرنگ سے کارکا ڈرائیور شدید زخمی ہوا جو بعد ازاں زخموں کی تاب نہ لاتے ہوئے دم توڑ گیا۔